Жаңалықтар

Жалынды жастар – ұлт болашағы

Бүгінгі күн әр қазақстандықтың жүрегі мен жадында мәңгі сақталады. Себебі, бүгін Елбасы Н.Ә. Назарбаев «Тәуелсіздіктің ұрпақтары» атауымен Жастар жылының салтанантты ашылуы болып өтті. Мемлекет басшысының бұл игі бастамасы әр жас өркенді қуантып, көңіл көкжиегін шуақтандырғаны рас.

Келешегіміздің келбетті, болашағымыздың баянды болуы бүгінгі жастарға тікелей байланысты. Себебі, жастар – болашақтың тұтқасы, елдің тірегі, қоғамның қозғаушы күші.

Еліміздегі жастар мемлекетіміздің жаңа келбетін қалыптастырады. Кез-келген әлеуметтік қатынастарда, рухани игіліктерде жастардың өзіндік алар орны бар. Олардың жаңашылдыққа деген ұмтылысы – еліміздің дамуына ықпал ететіні сөзсіз. Тек біз ғана емес, әлем жұртшылығы жастардың алып күш иесі екендігін мойындайды.

Ал, сол жастардың қоғамдағы жағдайы және олардың әлеуметтік ортаны дамытуға қатысу дәрежесі мемлекетке және жастардың белсенді өмірлік ұстанымына тікелей байланысты. Сондай-ақ, мемлекеттің тұрақты дамуының негізі де жастардың бәсекеге қабілеттілігіне, білім мен білік сапасына, олардың ұмтылысы мен ынтасына байланысты екенін естен шығармағанымыз абзал.

Бүгінде облысымызда жастарға жан-жақты қолдау көрсетілуде. Атап айтар болсақ, «Дипломмен ауылға», «Нұрлы жер», «Бизнес жол картасы-2020», «Нәтижелі жұмыспен қамту және жаппай кәсіпкерлікті дамыту 2017-2021», «Серпін», «Техникалық және кәсіптік білім беру», «Бақыт» жас отбасыларды қолдау клубы, «Жалын» полицияға қолдау көрсету студенттік жасағы. Бұл бағдарламалар мен жобалардың барлығы дерлік жастардың игілігіне арналған. Ағымдағы жылы да арнайы жобалар мен бағдарламаларды жүзеге асырамыз деп нық сеніммен айта аламын.

Біздің жастар талай белестерді бағындырып, биік қияға қанат қағады деп сенеміз. Еліміздің болашағы үшін зор талпыныспен, айқын мақсатпен, толағай қарқынмен аянбай қызмет ету – біздің басты мақсатымыз.

Елдің ертеңі ұлттық рухы биік, өр намысты, білімді де білікті жастардың қолында! Алматы облысының жастары Елбасы салған дара да даңғыл жолмен бой түзеп, айтылған барлық межелерді орындауға дайын.

Алматы облысы жастар ресурстық орталығының директоры Ж. Байкамитов

 

ЕЛ ЕРТЕҢІ – БІЛІМДІ ЖАСТАР

Бүгін Астана қаласындағы «Нұр әлем» павильонында «Тәуелсіздіктің ұрпақтары» атауымен Жастар жылының салтанантты ашылуы болып өтті. Оған Мемлекет басшысы Нұрсұлтан Назарбаев, сонымен қатар, Үкімет басшылары, ҚР, Праламенті депутаттары, жергілікті атқарушы орган басшылары, ҚР Президенті жанындағы Жастар саясаты кеңесінің мүшелері, еліміздегі ең белсенді, ең табысты жастармен қатар,  «100 жаңа есім» байқауының жеңімпаздары, «Болашақ» бағдарламасының түлектері, жас ғалымдар, шығармашылық, студенттік және жұмысшы жастар өкілдері, жас спортшылар, дарынды балалар, заманауи медиа саласының өкілдері, балалар үйінің тәрбиеленушілері мен түлектері, жас әскери қызметкерлер және т.б қатысты.

Республика бойынша ауқымды жетістіктерге жеткен білімді жастар өз салаларындағы ауқымды жетістіктеріне баяндама жасады. Атқарылып жатқан жұмыстарына тоқтала келе, Елбасына биылғы жылды «Жастар жылы» ретінде жариялап, жастарға тың серпін беріп, мол мүмкіндіктерге жол ашқанына үлкен алғыстарын жеткізді.

Мемлекет басшысы «Еліміздің келешегі жастардың қолында» деген болатын. Шындығында, мемлекетіміздің жандануы ел ертеңі саналатын бүгінгі жас ұрпақтың қолында. Оны сезінген бүгінгі жастар Президентіміздің бағыт-бағдар берген сара жолымен ілгері басып, тек биіктерге ұмтылып келеді. Еліміздің көзі ашық, көкірегі ояу сан мыңдаған білімді ұрпақ өз Отанын дамыту жолында аянбай тер төгіп, еңбек етуде. Қазіргі заман бой жарыстыратын емес, ой жарыстыратын заман. Олай болса, жаһандану заманында заман ағымымен алға жылжып, жаңа технологияларды меңгере отырып, ел дамуына елеулі үлес қоса беруіміз керек. Өйткені, жалын мен жігерді, ізденіс пен талпынысты талап ететін жастық шақта ел болашағы үшін еңбек ету жастардың басты міндеті.

Жастар жылы басталысымен Елбасымыз білекті де білімді жастардың басын қосып кездесу өткізуі үлкен істердің ұйытқысы болары анық. Бұл жастардың тың идеяларға толы, жалынды жоспарларын жүзеге асыруға мүмкіндіктер береріне біз жастар зор сенім артамыз. Мемлекет басшысының өзі жастар саясатын жоғары қойып, бізге сенім артып, мол мүмкіндіктер сыйлап отырғанының өзі біз үшін үлкен мәртебе әрі ұлттық рух сыйлайтын, Отанға деген ыстық махаббатымызды одан әрі арттырып, күш беретін ұлы күш!!!

Ақмарал Хаметжанова Журналист

Пікір

Жаңа 2019 жыл Қазақстандықтар үшін ерекше жыл, өйткені Елбасымыз Н.Ә.Назарбаевтың өткен жылғы 5 қазандағы Жолдауында  Жастар жылы деп жариялаған болатын Президент жастардың бүгіні мен болашағына қамқорлық жасауды өз саясатының негізгі мәні деп санайды. Ол жыл сайынғы дәстүрлі Жолдауларында жастар саясатын жетілдіру бойынша іргелі тапсырмалар беріп жүргені белгілі, өйткені жастар қоғамның бір бөлігі ретінде мемлекетте маңызды рөл атқарады.Бұл бізге көрсеткен зор сенім деп білемін. Үкімет жастарға қолынан келгенше жағдай жасауда. Елбасының қай жолдауын алсақ та, жастарға қатысты жобалар мен бастамаларға баса назар аударылып келген. Президенттің бұл жолдауында да жастардың білім алуы, әлеуметтік жағдайы ерекше аталып өтіп, келер 2019 жыл «Жастар жылы» деп жарияланды.

          Қазақстанның болашағы – жастардың қолында. Елбасының осынау сөзі әрбір жасқа үлкен сенім артып отыр. Осы сенімді ақтауда  олар бар күш-жігерін салып бақпақ. Бүгін тарихи маңызы бар жолдаудың маңыздылығын барша қазақ елі сезінгені анық. Ел жастары үшін қуанарлық жағдай ол Елбасының келер 2019 жылды «Жастар жылы деп жариялауды ұсынамын» дегені. Біз, жастар, Елбасының сенім артып келер жылды «Жастар жылы» деп жариялап жатқанына қуаныштымыз. Елбасының сенімін ақтап, еліміздің өркендеп өсуіне сүбелі үлес қосамыз деп барша аудан жастарының атынан сенім білдіргім келеді. Осы жылы өңірде аудандық еріктілер форумын ұйымдастыру ойда бар. Сондай-ақ жас кәсіпкерлер форумы өтпекші. Өңірдің жігерлі жастары жылдың  әр күнін қалт жібермейміз деп отыр.

Жастар ресурстық орталығының маманы А.Салимбеков

Талдықорған қаласының "Атамекен" кинотеатрында облыс тарихындағы тұңғыш  мюзикл "I love Taldykorgan" филімінің примералық көрсетілімі өтті. Аталмыш фильм, салауатты өмір салты мен Жетісу өңірінің туризмін насихаттайды – деп хабарлайды өңірлік коммуникациялар қызметі.

Алматы облысының Ішкі саясат басқармасы 2019 жылғы мемлекеттік әлеуметтік тапсырыс аясында жүзеге асырылатын жобалардың тақырыбын және техникалық сипаттамасын қалыптастыру мақсатында ұсыныстар қабылдайды.

Search